"Çətin oyun idi. Çoxlu çətin atışlar vardı. Düzünü desəm, komandamın oyunundan o qədər də razı qalmadım. Xüsusilə də müdafiədən".

Prosport.Az xəbər verir ki, bu sözləri Polşanın "Trefl" klubunun baş məşqçisi Mikko Larkas Bakıda "Abşeron Layns" klubuna 99:96 hesabı ilə qalib gəldikləri oyundan sonra mətbuat konfransında deyib.

Mütəxəssis bildirib ki, qələbəyə gedən yol heç vaxt asan olmur: "Oyunçularımı təbrik edirəm. Qalib gəldiyimiz üçün sevincliyəm. Evdə oynamaq həmişə daha asan olur. Səfərdə oynamaq bir qədər çətindir. Ümumiyyətlə, heç vaxt bilmirsən ki, bəxtinə necə idman zalı düşəcək. Burada isə həm otel, həm də idman zalı çox yaxşı idi. “Neftçi”yə qarşı da yaxşı oynamışdıq. Bizim üçün uğurlu gün idi. Oyun əslində bərabər getmişdi. İki matçı müqayisə etsək, deyə bilərəm ki, “Neftçi”nin oyunçuları nisbətən daha çevikdirlər. “Abşeron Layns”ın basketbolçuları isə fiziki baxımdan daha güclü və atletikdirlər".