Azərbaycan karateçisi Roman Heydərov Fransanın paytaxtı Parisdə keçirilən seçim yarışlarında uğurla çıxış edərək kata proqramı üzrə dünya çempionatına lisenziya qazanıb.

Prosport.Az xəbər verir ki, seçim yarışları qarşıdakı dünya çempionatında iştirak hüququ əldə etmək məqsədilə təşkil olunub.

Milli komandamız Azərbaycan Karate Federasiyasının vitse-prezidenti Rəhman Hətəmovun və baş məşqçi Şahin Atamovun rəhbərliyi altında bu mühüm yarışda ölkəmizi təmsil edir.

Qeyd edək ki, dünya çempionatı 27-30 noyabr tarixlərində Misirin paytaxtı Qahirədə keçiriləcək.