"İlk olaraq "Lənkəran" komandasını təbrik etmək istəyirəm. Onlar bu gün matç boyu çox yaxşı çıxış etdilər".

Prosport.Az xəbər verir ki, bunu "Naxçıvan"ın baş məşqçisi Nikola Bozinoski Azərbaycan Basketbol Liqasının III turunda səfərdə "Lənkəran"a 91:82 hesabı ilə qalib gəldikləri oyundan sonra deyib.

O, qarşılşama ərzində basketbolçuların enerjilərinin yüksək səviyyədə olduğunu söyləyib: "Bizim komandaya gəldikdə isə xırda səhvlərlə yadda qalsaq da, ümumilikdə çox yaxşı mübarizə apardıq. Layiqli mübarizə apararaq, sonda qələbə qazanan tərəf olduq".