"Səhvlərin üzərində işləməliyik".

Prosport.Az xəbər verir ki, bu barədə "ağ-qaralar"ın baş məşqçisi Vitali Stepanovski klubun rəsmi saytına açıqlamasında deyib.

Mütəxəssis FIBA Avropa Kubokunun əsas mərhələsinin ilk oyununda Polşada "Trefl"ə məğlub olduqları (63:92) qarşılaşma haqqında fikirlərini bölüşüb: "Klubumuz üçün tarixi bir oyun idi. Çünki ilk dəfə idi ki, Avropa Kubokunda çıxış edirdik. Təəssüf ki, məğlub olduq. Oyunun əvvəli və sonu istədiyimiz kimi getmədi, bizim üçün o qədər də yaxşı alınmadı. Qarşılaşmanın əvvəlindən rəqibə 12 xallıq üstünlük verdik. Bundan sonra bütün oyun boyu xal fərqini azaltmağa çalışdıq. Deyə bilərəm ki, 30 dəqiqə yaxşı oynadıq. Amma qeyd etdiyim kimi, başlanğıc və sonluq bizim üçün yaxşı keçmədi".

Stepanovski irəliyə baxmalı olduqlarını vurğulayıb: "Təhlil etməliyik və səhvlər üzərində işləməliyik ki, növbəti oyunlarda onları təkrarlamayaq".