Azərbaycanlı MMA döyüşçüsü Nazim Sadıxov dünyanın 1 nömrəli turniri olan UFC-də 2-ci qələbəsini qazanıb.

Prosport.Az-ın məlumatına görə, 29 yaşlı "Qara canavar" ləqəbli idmançı ABŞ-ın Las Veqas şəhərində keçirilən "UFC Vegas 77" turnirində yerli idmançı Terans MakKinidən üstün olub.

O, 28 yaşlı rəqibini 2-ci raundda boğma fəndi ilə təslim olmağa vadar edib. Həmin döyüşə teleqram kanalımız vasitəsilə baxa bilərsiniz.

Qeyd edək ki, Nazim Sadıxov peşəkar MMA karyerasında 9-cu qələbəsini qazanıb. Onun passivində yalnız 1 məğlubiyyət var. Son döyüş Nazimin UFC-də 2-ci qələbəsi olub. Xatırladaq ki, o, fevralın 18-də amerikalı İvan Elderə qalib gəlmişdi.