Azərbaycan Basketbol Liqasında II turun daha bir oyunu keçirilib.

Prosport.Az xəbər verir ki, son çempion "Sabah" NTD ilə üz-üzə gəlib.

Milli Gimnastika Arenasında baş tutan görüş "bayquşlar"ın 133:65 hesablı qələbəsi ilə başa çatıb. "Sabah" ilk periodda 52 xal toplamaqla dünyada nadir qeydə alınan göstəriciyə imza atıb.

Qeyd edək ki, turun əvvəlki oyunlarında "Neftçi" "Şəki"yə (92:68), "Ordu" "Quba"ya (96:68), "Abşeron Lions" isə "Gəncə"yə (96:94) qalib gəlib. Tura oktyabrın 12-də yekun vurulacaq.