Azərbaycanın ev sahibliyi etdiyi III MDB Oyunlarında sambo yarışları başa çatıb.
Prosport.Az xəbər verir ki, yarışlar Göygöl Olimpiya İdman Kompleksində təşkil olunub.
Azərbaycanın 8 idmançısı fəxri kürsüyə yüksəlib. Abdullətif Musayev (53 kq), Nihad Rəhimov (64 kq) qızıl, Əbubəkir Hüseynov (98 kq), Rəsul Səmədli (+98 kq), Rüstəm Qasımzadə (58 kq) gümüş, Sadiq Nadirov (79 kq), Mikayıl Əmirov (71 kq) və Xəzər Əmrahlı (88 kq) isə bürünc medal qazanıblar.