"Vacib qələbə qazandıq".

Prosport.Az xəbər verir ki, bunu Azərbaycanın U-16 yığmasının baş məşqçisi Aqil Nəbiyev III MDB Oyunlarında Tacikistana 1:0 hesabı ilə qalib gəldikləri oyundan sonra deyib.

Mütəxəssis bildirib ki, turnirə qalibiyyətlə başlamaq önəmlidir: "MDB Oyunlarında hədəfimiz çempionluqdur. Bunun üçün qələbə lazım idi. Rəqib turnirin ən keyfiyyətli komandalarındandır. Önəmli olan öz oyunumuzdur və qələbədir. Bildiyiniz kimi bu gün sentyabrın 27-si - Anım Günüdür. Önəmli qələbə idi. Bütün futbol ictimaiyyətini, Azərbaycan xalqını təbrik edirəm. Biz qalib xalqıq. Qol fürsətlərindən istifadə etsəydik, nəticə fərqli olardı. Bir qolumuzu saymadılar, səbəbini bilmədim"

O, A qrupunda Qırğızıstana qarşı keçirəcəkləri ikinci matça da toxunub: "Rəqibin bir neçə oyununu izləmişik. Məşqlərimizi buna uyğun keçəcəyik və mütləq qələbə qazanmalıyıq".

Qeyd edək ki, III MDB Oyunlarında futbol yarışlarına oktyabrın 4-də yekun vurulacaq.