"Şəki" basketbol klubu cari mövsüm üçün 7-ci legionerini transfer edib.

Prosport.Az xəbər verir ki, bölgə təmsilçisi amerikalı Kenard Riçardsonla anlaşıb.

Bu, 23 yaşlı basketbolçunun ilk legioner karyerası olacaq. 1.95 metr boya malik idmançı qard mövqeyində çıxış edir.

Qeyd edək ki, "Şəki" daha əvvəl Rəşid Abbasov, türkiyəli Dorukhan Kuzu, serbiyalı David Çekiç, amerikalılar – Samir Styuart, Malek Deyvis, Tayland Krouford və Devon Cenkinslə anlaşıb.