FIBA Avropa Kubokunda mübarizə aparacaq "Neftçi" basketbol komandası iki həftəlik təlim-məşq toplanışından sonra bu gün Rumıniyadan Bakıya qayıdıb.

Prosport.Az xəbər verir ki, sentyabrın 4-də adıçəkilən ölkəyə səfər edən təmsilçimiz 2 həftəlik hazırlıq müddəti çərçivəsində 6 yoxlama oyunu keçirib. Komandamız iki dəfə “Korona Braşov”la, həmçinin “CSU Sibiu”, “Tarqu Jiu”, “Arqes Pitesti” və “Styaua” kollektivləri ilə üz-üzə gəlib.

Qeyd edək ki, “Neftçi” Avropa Kubokunun I qrupunda “Kalev/Kramo” (Estoniya), “Bursaspor” (Türkiyə) və “Trefl” (Polşa) klubları ilə mübarizə aparacaq.