Azərbaycan sərbəst güləşçisi Osman Nurməhəmmədov (92 kq) Zaqrebdə (Xorvatiya) keçirilən dünya çempionatında bürünc medal qazanıb.

Prosport.Az xəbər verir ki, 3-cü yer uğrunda mübarizədə Nurməhəmmədov gürcüstanlı Miriani Maysuradzeni 5:1 hesabı ilə məğlub edib.

Xatırladaq ki, bundan əvvəl dünya çempionatında Giorgi Meşvildişvili (125 kq) gümüş, Nurəddin Novruzov (61 kq) və Arseni Cioyev (86 kq) isə bürünc medalla başa vurub. Cəbrayıl Hacıyev (79 kq) isə bürünc medal uğrunda görüşdə Aşqar Noxodilarmiyə uduzub.