Həndbol üzrə Azərbaycan Kubokunun 2025/2026 mövsümünün püşkü atılıb.

Prosport.Az xəbər verir ki, yarışda 6 qadın - "Azəryol", "Bakı", "İdman Akademiyası", "Kür", "Qarabağ", "Təhsil" və eyni sayda kişi - "Azəryol", "Bakı", "Dinamo", "Kür", "Qarabağ", "Təhsil" komandaları mübarizə aparacaq.

Mövsümə 1/4 finaldan start veriləcək. Kişi həndbolçuların yarışında "Qarabağ" "Azəryol"la, "Təhsil" "Dinamo" ilə üz-üzə gələcək. Qadınların mübarizəsində isə "Təhsil" - "Qarabağ" və "İdman Akademiyası" - "Bakı" matçları keçiriləcək.

Qeyd edək ki, ötən mövsümün finalçıları turnirə yarımfinal mərhələsindən başlayacaqlar.