Azərbaycanın sərbəst güləşçisi Giorgi Meşvildişvili (125 kq) Xorvatiyanın paytaxtı Zaqrebdə keçirilən düyna çempionatında finala yüksəlib.

Prosport.Az xəbər verir ki, idmançı yarımfinalda Polşa təmsilçisi Robert Baranla üz-üzə gəlib. Rəqibini üstələyən Meşvildişvili həlledici görüşə vəsiqə qazanıb.

Təmsilçimiz həlledici qarşılaşmada İranın titullu güləşçisi Amir Zare ilə üz-üzə gələcək. Medal qarşılaşmaları sabah baş tutacaq.

Nürəddin Novruzov (61), Kənan Heybətov (70 kq), Arseni Cioyev (86 kq) əvvəlki raundlarda məğlub olublar. 

Qeyd edək ki, mundial sentyabrın 21-də başa çatacaq.