Ötən mövsüm Azərbaycan 3-cüsü olmuş "Şəki" basketbol klubu yeni mövsüm üçün transfer etdiyi ilk legionerinin adını açıqlayıb.

Prosport.Az xəbər verir ki, bu, amerikalı Samir Styuartdır.

27 yaşlı qard mövqeyində oynayan basketbolçu əvvəl Polşa və Bosniya və Herseqovinada legioner karyerası yaşayıb. Samir Styuart son olaraq Bosniya və Herseqovinanın "Promo" komandasında çıxış edib.

Qeyd edək ki, "Şəki" bunadək Rəşid Abbasovu transfer edib. Komanda 9 nəfərlə yolları ayırdığından, daha 7 basketbolçunun da transferi gözlənilir.