Qubada 12 yaşadək futbolçular arasında keçirilən II “Ulduz Cup” beynəlxalq turnirinin qrup oyunlarına yekun vurulub.

Prosport.Az xəbər verir ki, yarışda 7 ölkədən 12 komanda 3 qrupda mübarizə aparıb.

Qrup mərhələsinin nəticələrinə əsasən, 1/4 finala “Neftçi”, “Ulduz”, “Sabah” (hər üçü Azərbaycan), “Trabzonspor məktəbi”, “Başakşəhər” (hər ikisi Türkiyə), “Bunyodkor”, “Paxtakor”, (hər ikisi Özbəkistan) və “Dinamo" (Tbilisi, (Gürcüstan) vəsiqə qazanıblar.

Azərbaycanın digər təmsilçisi "Qarabağ" isə turnirlə qrup mərhələsində vidalaşıb.

Turnirin 1/4 final və yarımfinal oyunları sabah keçiriləcək. 3-cü yer uğrunda və final görüşləri isə avqustun 28-də baş tutacaq.