"Dünya Oyunlarında qazandığım gümüş medal hər şeyi və daha çoxunu bacardığımın sübutudur".

Prosport.Az xəbər verir ki, İrina Zarestkaya bu barədə şəxsi instaqram hesabında paylaşım edib.

Tokio-2020 Yay Olimpiya Oyunlarının gümüş mükafatçısı bu yolda onunla birlikdə addımlayan və uğurunda əməyi olan insanlara təşəkkür edib: "Çox xoş hisslərim var. Dəstək olanlara sonsuz minnətdaram. Məni daha da ruhlandırdınız. Burada parlaq döyüşlər keçirdim, yeni fəndlər göstərmək istədim. Mən yenə də qələbələrə acam".

Zaretskaya şəxsi məşqçilərinə və yığmanın baş məşqçisi Şahin Atamova da minnətdarlığını bildirib: "Medal həmişə sizin zəhmətinizin nəticəsidir. Bu, komanda işidir. Çox şanslıyam ki, hamınızdan böyük dəstək aldım".

O, qızı ilə fotosunu paylaşaraq bu sözləri yazıb: "Balaca övladımla yarışda qalib olmaq arzularımdan biri idi".

Qeyd edək ki, İrina Zaretskaya Çinin Çendu şəhərində keçirilən XII Dünya Oyunlarının finalında İsveçrə təmsilçisi Elena Çuiriçi ilə dueldən məğlub ayrılıb.