Ölkəmizi bu il ilk dəfə Çempionlar Liqasının müntəzəm çempionatında təmsil edəcək “Sabah” basketbol klubu ABŞ-dən olan oyunçunu heyətinə qatıb.

Prosport.Az xəbər verir ki, 29 yaşlı hücumçu Castin Tilmanla müqavilə imzalanıb. O, qarşıdakı 2 mövsümdə komandanın formasını geyinəcək.

Qeyd edək ki, təcrübəli basketbolçu karyerası ərzində Koreya, Çin, Yunanıstan, Fransa, İtaliya və İsrail liqalarında çıxış edib. Ötən mövsüm son klubu Fransanın "Noter 92" komandası olub.

Xatırladaq ki, "Sabah" daha əvvəl Kamran Məmmədovu, fransalı Jan-Mark Pansa, amerikalılar – Deyvid Nikols və Keyt Cordanla müqavilə bağlayıb. Amerikalılar – Trevon Duval, Kemron Blu, Mayk Holton, eləcə də Aydın İbrahimovla yollar ayrılıb.