Azərbaycanın oğlanlardan ibarət U-18 basketbol millisi Eurobasket  B divizionunda Kosovo seçməsinə qarşı sonuncu sıralama oyununa çıxıb.

Prosport.Az xəbər verir ki, Rumıniyanın Piteşt şəhərində keçirilən görüş Anar Sarıyevin baş məşqçisi olduğu komandamızın 81:77 hesablı qələbəsi ilə yekunlaşıb.

Bu önəmli qələbə sayəsində U-18 millimiz 21-ci yeri tutub və 2026-cı ildə də B divizionunda qalmaq hüququ əldə edib. Kosovo isə sonuncu – 22-ci komanda kimi C divizionuna düşüb.

Qeyd edək ki, millimiz B qrupunda Rumıniyaya 34:60, Ukraynaya 67:71, Gürcüstana 66:82, Portuqaliyaya 54:68 və sonradan A divizionuna vəsiqə qazanacaq Danimarkaya 49:91 hesabı ilə uduzub. Daha sonra yığmamız 17-ci yer uğrunda E qrupunda İrlandiyaya 57:62 məğlub olub.