Azərbaycanın 6 yunan-Roma güləşçisi sentyabrın 13-21-də Xorvatiyanın paytaxtı Zaqrebdə keçiriləcək dünya çempionatı ərəfəsində "Dream Team"ə ("Arzuların komandası") namizəddir.

Prosport.Az xəbər verir ki, mövsümün əsas yarışı öncəsində Dünya Güləş Birliyi (UWW) hər çəki dərəcəsində "klassik"lər arasında 4 namizəd təqdim edərək sosial şəbəkə səhifələrində səsvermə keçirir.

Namizədlər arasında yer alan Azərbaycan güləşçiləri:

Dördqat dünya çempionu Eldəniz Əzizli (55 kq);
Dünya çempionu Nihat Məmmədli (60 kq);
Avropa çempionu Murad Məmmədov (63 kq);
Olimpiadanın bürünc medalçısı Həsrət Cəfərov (67 kq);
Dünya çempionu Ülvi Qənizadə (72 kq);
Avropa çempionu Qurban Qurbanov (82 kq).