"Abşeron Layəns" klubunun sponsorunun adına aydınlıq gəlib.

Prosport.Az-ın xəbərinə görə, Azərbaycanda Britaniya proqramı üzrə təhsil verən Landau School məktəbi komandaya sponsorluq edəcək.

Qeyd edək ki, bu komanda tarixində ilk dəfə Avropa Kubokunda debüt edəcək.

16:43

Azərbaycan Basketbol Liqasında ötən mövsümü 4-cü sırada başa vurmuş "Abşeron" komandasının adı dəyişdirilib.

Prosport.Az-ın xəbərinə görə, Abşeron təmsilçisi yeni mövsümdən "Abşeron Layəns" (Abşeron şirləri) adlandırılacaq.

Bu, klubun yeni sponsorunun gəlişi ilə bağlıdır. Onu da bildirək ki, bu komandanın adı əvvəllər də dəyişdirilib. Komanda əvvəllər "AAAF Xırdalan" və "Xırdalan" adları ilə də çıxış edib. Tarixində ilk dəfə avrokubokda – Avropa Kubokunda debüt edəcək klubun adı da məhz FIBA-ya "Abşeron Layəns" (Absheron Lions) kimi təqdim olunub.

Qeyd edək ki, Abşeron təmsilçisi iyulun 23-də Almaniyanın Münxen şəhərində keçiriləcək püşkatmaya əsasən Avropa Kubokunun təsnifat mərhələsindəki rəqibini tanıyacaq. Səpələnməmişlər səbətində yer alan "Abşeron Layəns"in potensial rəqibləri "Kanxurus" (Belçika), "Balkan" (Bolqarıstan), "Anortosis" (Kipr), Transkom" (Estoniya), "Peristeri" (Yunanıstan), "Anvil" (Polşa), "Prievidza" (Slovakiya) və "Dnepr"dir (Ukrayna). Təsnifat mərhələsinin oyunları 24 sentyabr – 1 oktyabr tarixlərində baş tutacaq.

Cütün qalibi olan 8 komanda və Çempionlar Liqasının təsnifat mərhələsindən gələcək 19 komanda müntəzəm çempionatda onları gözləyən 13 komandaya (bunların arasında ABL gümüş mükafatçısı "Neftçi" də var) qoşulacaq. Müntəzəm çempionat 40 komandanın iştirakı ilə 10 qrup matçları əsasında baş tutacaq. Oktyabr-noyabr ayları ərzində keçiriləcək müntəzəm çempionatda qrup liderləri və 6 qrup 2-cisi 4 qrupdan ibarət olacaq 2-ci mərhələyə vəsiqə qazanacaq.

Sonda onu da bildirək ki, Azərbaycan basketbolu tarixində ilk dəfə 3 komanda avrokuboklarda yarışacaq.