Yeni mövsümdə Azərbaycanı FIBA Avropa Kubokunda təmsil edəcək komandalar müəyyənləşib.

Prosport.Az xəbər verir ki, ölkə çempionatının gümüş mükafatçısı "Neftçi" mübarizəyə birbaşa müntəzəm mövsümdən başlayacaq.

"Neftçi"dən başqa, Xorvatiya, Kipr, İspaniya (2), Estoniya, Fransa, İtaliya, Almaniya, Polşa, Portuqaliya, Belçika və Türkiyənin komandaları da birbaşa qrup mərhələsində yer alacaq.

Azərbaycan Basketbol Liqasında 4-cü yeri tutan "Abşeron" isə müntəzəm mövsümdə iştirak hüququ əldə etmək üçün təsnifat oyunları keçirəcək. Komandamız səpələnməmiş səbətində yer aldığından, güclü rəqiblə qarşılaşmalı olacaq.

Qeyd edək ki, hər iki təmsilçimizin rəqibləri iyulun 23-də Almaniyanın Münxen şəhərində təşkil olunacaq püşkatma mərasimində bəlli olacaq.