"Qarabağ"ın 14 yaşadək komandası ilə köməkçi məşqçi kimi Azərbaycan çempionu olan Maksim Medvedev baş məşqçi olacaq.

Prosport.Az-ın xəbərinə görə, Əvəzedicilər Liqası ləğv edilmədiyindən, "Qarabağ"ın 2-ci komandasına məhz Maksim Medvedev rəhbərlik edəcək.

Həmçinin, Rəşad Sadiqov 2 ildir ki, çalışdırdığı komandanın sükanı arxasında qalacaq. Son mövsümdə U-17 olan komandası yeni mövsümdə U-19 kimi çıxış edəcək. 

Başa çatan mövsüm U-19-un baş məşqçisi olmuş Vüqar Əsgərli isə 2 il əvvəl "Qarabağ"a gələrkən çalışdırdığı komandasına geri dönəcək. O, yeni mövsümdə U-17 komandasının baş məşqçisi olacaq.

Qeyd edək ki, təyinatların rəsmiləşməsi "Qarabağ" Akademiyasının koordinatoru Aftandil Hacıyevin Avstriyadan geri dönməsindən sonra baş tutacaq. Bunun üçün iclas keçiriləcək və yeni təyinatlar açıqlanacaq.