Azərbaycanın 16 yaşadək qızlardan ibarət basketbol millisi Qazaxıstanın Atırau şəhərində təşkil olunan "Airom Cup" beynəlxalq turnirində növbəti qələbələrini qazanıb.

Prosport.Az xəbər verir ki, yığma 3-cü matçında Rusiyanın "MBU Volqoqrad" kollektivinə 67:38 hesabı ilə qalib gəlib.

Daha sonra Qazaxıstan təmsilçisi "Aul Sport"u 59:39 hesabı ilə üstələyən komanda turnirdəki 4-cü qələbəsini rəsmiləşdirib.

Qeyd edək ki, milli daha əvvəl "Aul Sport" (72:32) və "Barsı" (78:43) komandalarını məğlub edib. Komanda növbəti matçlarını sabah keçirəcək.