Azərbaycanın 18 yaşadək qız basketbolçulardan ibarət millisinin (U-18) Belarusun paytaxtı Minskdəki təlim-məşq toplanışı yekunlaşıb.

Prosport.Az xəbər verir ki, yığma toplanışda 6 yoxlama oyunu keçirib.

Milli komanda yerli RQUOR (84:39), RQUOR-2 (80:30) komandalarına qalib gəlib, "Qorizont" (40:68, 53:65) və "Viktoriya"ya (49:53, 62:68) hər iki qarşılaşmada uduzub.

Qeyd edək ki, Minsk toplanışında əsas məqsəd iyulun 4-13-də Litvanın Alitus və Vilnüs şəhərlərində keçiriləcək Avropa çempionatının B divizionunun oyunlarına hazırlaşmaq olub.