Yüngül çəkidə UFC-nin məğlubedilməz sabiq çempionu, keçirdiyi bütün görüşlərdə qalib gələn, çəkisindən asılı olmayaraq ən yaxşı döyüşçü sayılan Həbib Nurməhəmmədov, bu çəkidə hazırkı çempion İslam Maxaçev, eyni kateqoriyada "Bellator"un məğlubedilməz çempionu Usman Nurməhəmmədov və Umar Nurməhəmmədov Bakıdadır.

Prosport.Az-ın xəbərinə görə, yunan-Roma güləşi üzrə olimpiya mükafatçısı, dünya və Avropa çempionu Rasul Çunayev onlarla görüşüb.

Həmçinin, bu ikili bu gün "Qarabağ"ın bazasında olub, klub rəhbərliyi, baş məşqçi Qurban Qurbanov və futbolçularla şəkil çəkdirib.

Qeyd edək ki, sabah Bakıda UFC turniri keçiriləcək. Orada dağıstanlı idmançılar da yer alacaq.