Azərbaycanlı MMA döyüşçüsü Tofiq Musayev çəkisini UFC-nin Bakıda təşkil olunan turniri üçün aşağı sala bilməyib. 

Prosport.Az xəbər verir ki, bu gün "Hilton" hotelində idmançıların rəsmi çəkiölçmə mərasimi keçirilib.

Azərbaycanlı döyüşçülər – Nazim Sadıxov, Rafael Fiziyev və Tofiq Musayev də çəkiölçmə mərasiminə çıxıb.

Tofiq Musayev çəkisini aşağı sala bilmədiyi üçün idmançımız və onun Qırğızıstandan olan rəqibi Mıktıbek Orolbay 75 kq çəki dərəcəsində döyüşməyə razılıq verib.

Onlar daha əvvəl 70 kq-da üz-üzə gəlməli idi. Lakin rəsmi çəkiölçmə mərasimində hər ikisi buna uyğun gəlməyib.

Qeyd edək ki, “UFC Fight Night” sabah Bakı Kristal Zalında baş tutacaq. Gecənin əsas görüşündə Camaal Hill və Halil Rauntri üz-üzə gələcək.

Azərbaycan təmsilçilərindən Tofiq Musayev Mıktıbek Orolbayla (Qırğızıstan), Rafael Fiziyev İqnasio Bahamondeslə (Çili), Nazim Sadıxov isə Nikolas Motta (Braziliya) ilə üz-üzə gələcək.