Basketbol üzrə son ölkə çempionu "Sabah" Azərbaycanı FIBA Çempionlar Liqasının müntəzəm mövsümündə təmsil edəcək.

Prosport.Az xəbər verir ki, bu, Azərbaycan basketbol tarixində ilk olacaq. Azərbaycan 2022-2025-ci illər reytinqinə əsasn 32-ci olduğundan, bu, 1 komandamıza burada çıxış etmək imkanı verib.

Burada "Sabah"dan başqa, 28 komanda – İspaniyadan 4, Almaniya, Yunanıstan, Türkiyədən 3, Fransa, İsrail, İtaliyadan 2, Belçika, Bosniya və Herseqovina, Çexiya, Macarıstan, Latviya, Litva, Polşa, Portuqaliya və Serbiya təmsilçiləri mübarizə aparacaq. 

Qrup mərhələsinin püşkatma mərasimi iyulun 2-də İsveçrənin Lozanna şəhərində atılacaq. Müntəzəm mövsümə isə oktyabrın 7-də start veriləcək.

Qeyd edək ki, "bayquşlar" ötən mövsüm FIBA Çempionlar Liqasının təsnifat mərhələsində iştirak edib. Komandamız Türkiyənin Antalya şəhərində İsveçin "Norçöpinq" komandasına 71:75 hesabı ilə uduzaraq FIBA Avropa Kubokuna düşmüşdü.