Basketbolun 3x3 növü üzrə kişi və qadınlardan ibarət Azərbaycan millisinin Avropa Kubokunun təsnifat mərhələsindəki rəqibləri məlum olub.

Prosport.Az xəbər verir ki, kişilərdən ibarət yığma B qrupunda Kosovo və Malta seçmələri ilə, qadınlar isə B qrupunda Kosovo yığması ilə üz-üzə gələcək. Bütün oyunlar iyunun 7-də olacaq.

Kişi komandası qrupda ilk matçını Bakı vaxtı ilə saat 21:45-də Maltaya, ikinci görüşünü isə 23:35-də Kosovo yığmasına qarşı keçirəcək.

Qızların isə qrupdakı yeganə görüşü saat 23:10-da Kosovo seçməsi ilə olacaq.

Qeyd edək ki, kişi və qadın kateqoriyalarında yalnız təsnifat mərhələsinin qalibləri Avropa Kubokunun (2025) əsas mərhələsində iştirak hüququ qazanacaqlar.