Azərbaycanlı UFC döyüşçüsü Nazim Sadıxov Bakıda keçiriləcək turnirlə bağlı gözləntilərini bölüşüb.

Prosport.Az xəbər verir ki, 31 yaşlı idmançı Azərbaycana qayıdacağı üçün xoşbəxt olduğunu dilə gətirib:

"Ailəmin tarixçəsi məhz buradan başlayır. Bu döyüş mənim və xalqım üçün vacibdir. Başqa planetdə olsam da, Azərbaycana döyüşməyə gələrdim. Nə olursa-olsun, Bakıda döyüşəcəkdim".

Sadıxov Nikolas Motta ilə döyüşün maraqlı keçəcəyinə inandığını söyləyib: "Mənim üstünlüyüm var, amma ortaq cəhətlərimiz çoxdur. Onun ən yaxşı versiyasına hazırlaşıram. Düşünürəm ki, hər ikimiz nə vaxtsa döyüşəcəyimizi bilirdik".

Qeyd edək ki, Nazim Sadıxov Bakıda anadan olub, lakin ABŞ-ın Nyu-York şəhərində böyüyüb. O, iyunun 21-də Bakı Kristal Zalında təşkil olunacaq UFC turnirində braziliyalı Nikolas Motta ilə döyüşəcək.