Xorvatiyanın Poreç şəhərində keçiriləcək çimərlik güləşi üzrə Dünya Seriyasının ikinci mərhələsində Azərbaycanı 2 idmançı təmsil edəcək.

Prosport.Az xəbər verir ki, iki gün davam edəcək yarışda baş məşqçi Oyan Nəzərianinin rəhbərliyi altında 3 qat dünya çempionu İbrahim Yusubov (90 kq) və debütant Vüsal Əliyev (70 kq) mübarizə aparacaq.

Sabah qrup mərhələsinin görüşləri keçiriləcək. Həlledici qarşılaşmalar iyunun 1-də baş tutacaq. Görüşlər Bakı vaxtı ilə saat 12:00-da başlayacaq.

Xatırladaq ki, Dünya Seriyası 5 mərhələdən ibarətdir. Yekunda bütün mərhələlər üzrə ən çox xal toplayan güləşçilər dünya çempionu ünvanına sahib çıxacaqlar.