Basketbolun 3x3 növü üzrə Qadın seriyasının Bakı mərhələsinə yekun vurulub.

Prosport.Az xəbər verir ki, final matçında Niderland və Latviya yığmaları qarşılaşıb.

Maraqlı və gərgin mübarizə şəraitində keçən görüşün taleyini 1 xal həll edib. 14:13 hesabı ilə qalib gələn Latviya komandası Bakı seriyasının qalibi olub.

Azərbaycan millisi isə 1/4 finalda Latviya 16:21 uduzaraq, mübarizəni dayandırıb. Komandamız 1000 dollara sahib çıxıb.

Xatırladaq ki, komandamız daha əvvəl də Latviya millisinə Bakıda keçirilən Dünya Kubokunun seçmə mərhələsində uduzmuşdu.