Azərbaycanın 3x3 basketbol üzrə millisi Qadın Seriyasının Bakı mərhələsində 1/4 finala yüksəlib.

Prosport.Az xəbər verir ki, yığmamız qrupdakı ilk oyununda dünyanın ən güclü komandası olan Niderlanda 13:19 hesabı ilə məğlub olub.

2-ci görüşdə Çexiyanın "Praqa" klubuna 16:12 hesabı ilə qalib gələn yığma qrup 2-cisi kimi adını turnirin 1/4 finalına yazdırıb.

Millimiz bu raundda C qrupunun lideri Latviya yığması ilə qarşılaşacaq. Komandamız 2 gün əvvəl bu rəqibinə Bakıda keçirilən Dünya Kubokunun seçmə mərhələsində 11:18 hesabı ilə uduzub. Latviya iyunda Monqolustanın paytaxtı Ulan-Batorda keçiriləcək Dünya Kubokunun iştirakçısıdır. 

Qeyd edək ki, oyun sabah saat 18:15-də başlayacaq.