"Bu il çempionat çox güclü idi".

Prosport.Az xəbər verir ki, bunu "Sabah"ın baş məşqçisi Rimas Kurtinaytis Azərbaycan Basketbol Liqasının final seriyasında "Neftçi"yə qalib gələrək (83:78) çempion olduqdan sonra deyib.

Litvalı mütəxəssis mətbuata açıqlamasında yarışın çətin keçdiyini bildirib: "Azərbaycan Basketbol Federasiyası böyük iş görüb. "Neftçi"yə finalda nümayiş etdirdiyi mübarizə əzminə görə təşəkkür edirəm. Komandamızı bu uğur münasibəti ilə təbrik edirəm. Komanda üzvlərinə çempionluq mübarizəsində çəkdikləri əziyyətə görə təşəkkür edirəm".

Qeyd edək ki, tərəflər arasında final seriyasında 6 oyun keçirilib. Son matçda 4-cü qələbəni əldə edən "bayquşlar" ardıcıl 3-cü dəfə qızıl medallara sahib çıxıb.