"Qarabağ"ın 11 yaşadək komandasının (U-11) Polşanın Krakuv şəhərində keçiriləcək "Murapol Cup" turnirindəki potensial rəqibləri bəlli olub.

Prosport.Az-ın xəbərinə görə, 13-cü dəfə keçiriləcək yarışda "Qarabağ"dan başqa, Polşanın 21 Futbol Akademiyası, Visvaçka Futbol Məktəbi, "Visva", "Benyaminek", "Zaqlembye", "Rux", "Yaqelloniya", VKS klubları, o cümlədən İngiltərənin "Liverpul", Almaniyanın "Laypsiq" və Ukraynanın "Dinamo" (Kiyev) komandaları mübarizə aparacaq.

Yarışda 2 qrup olacaq. Hər qrupda 6 komanda mübarizə aparacaq. Qrupda ilk 4 pilləni tutan komandalar növbəti mərhələyə vəsiqə qazanacaq. Eldəniz Qiyasovun baş məşqçisi olduğu komandanın rəqibləri daha sonra atılacaq püşkatmadan sonra bilinəcək.

Qeyd edək ki, yarış 22-26 may tarixlərində baş tutacaq. "Qarabağ"ın bu yarışa gedəcəyini ötən ilin dekabrında saytımız ilk olaraq ictimaiyyətə çatdırıb.