Bakıda təlim-məşq toplanışında olan 16 yaşadək futbolçulardan ibarət Azərbaycan millisi (U-16) 2-ci yoxlama oyununu keçirib.

Prosport.Az xəbər verir ki, U-16 Belarusun müvafiq yaş qrupundan ibarət yığması ilə qarşılaşıb.

Binə stadionunda təşkil olunan matç qonaqların 3:0 hesablı qələbəsi ilə yekunlaşıb. Qolları Vladislav Veryonik (27), Kirill Şelest (42) və Matvey Zabavski (90) vurub.

Qeyd edək ki, bu komandalar arasında mayın 9-da təşkil olunan ilk yoxlama görüşündə U-16 millimiz 2:1 hesablı qələbə qazanmışdı.