Mayın 12-də Milli Olimpiya Komitəsinin inzibati binasında Atletlər Komissiyasının növbəti iclası keçirilib.  

Prosport.Az xəbər verir ki, iclasda həyata keçirilən layihələr barədə fikir mübadiləsi aparılıb və komissiyaya yeni üzv seçkisi məsələsinə baxılıb.

Səsvermə nəticəsində komissiyanın üzvü Təranə Abbasovanın (ağırlıqqaldırma) yerinə yunan-Roma güləşi üzrə Olimpiya mükafatçısı, dünya və Avropa çempionu Rafiq Hüseynov seçilib.

Xatırladaq ki, 2000-ci ildə Avstraliyanın Sidney şəhərində keçirilmiş Olimpiadada Azərbaycanı təmsil etmiş Təranə Abbasova martın 18-də bu komissiyaya üzv seçilmişdi. 

Qeyd edək ki, 2025-2028-ci illər dövrü üçün Rüstəm Orucov (cüdo) komissiyanın sədri, Fəridə Əzizova (taekvondo) sədr müavini, Leyla Əliyeva (cüdo), İradə Aşumova (atıcılıq), Hacı Əliyev (güləş), Nazim Babayev (atletika), Rafiq Hüseynov (güləş), Fatimə Alkərəmova (üzgüçülük), Rəsul Çunayev (güləş) komissiyanın üzvüləri kimi fəaliyyət göstərəcək.