Bakıda təlim-məşq toplanışında olan 16 yaşadək futbolçulardan ibarət Azərbaycan millisi (U-16) yoxlama oyunu keçirib.

Prosport.Az xəbər verir ki, U-16 yığmamız Belarus seçməsi ilə üz-üzə gəlib.

Binə qəsəbə stadionundakı qarşılaşma Azərbaycan millisinin qələbəsi ilə bitib – 2:1. Millimizdən "Sumqayıt"ın futbolçusu Ömər Kosayev (44), "Neftçi"nin üzvü Ruslan Quliyev (59), qonaqlardan isə Vladislav Veryonik qolları vurub.

Azərbaycan: 1. Bilal Hacıyev, 2. Mehdi İsmayılov, 3. Roman Fərzəli, 4. Uğur Qurbanlı (k), 5. Vaqif Nəbiyev, 6. Ruslan Quliyev, 7. Yusif Orucəliyev, 8. Murad İsmayılov, 9. Ömər Kosayev, 10. Furqan Musayev, 11. Tunar Bayramov

Belarus: 1. İvan Paddubnı, 5. Anton Vial, 6. Qleb Yemelyanov, 7. Artyom Kanyaxin, 8. Vladislav Tratsyak, 13. Kiril Şelest, 14. Marat Lazareviç, 21. Qleb Bardaçov (k), 9. Kiril Salyanik, 10. Yaroslav Qubaşin, 11. Yaromir Tratsyak

Qeyd edək ki, komandalar mayın 11-də növbəti dəfə qarşılaşacaq.