Basketbolun 3x3 növü üzrə Qadın seriyasının Bakı mərhələsində iştirak edəcək bütün komandalar bəlli olub.

Prosport.Az xəbər verir ki, Azərbaycan millisinin də qatılacağı turnirə son vəsiqə Yaponiya “Takasaki”sinə verilib.

Bu kluba "wild card" Azərbaycan Basketbol Federasiyası tərəfindən verilib. Yaponiya klubu səviyyəsinə görə turnirin 7-ci komandasıdır.

Ümumilikdə yarışda 13 milli və 3 klub mübarizə aparacaq. Azərbaycan, Niderland, İtaliya, Tailand, Çili, Filippin, Qazaxıstan, Misir, Madaqaskar, Rumıniya, Çin, Avstriya və Latviya milliləri Bakıda meydana çıxacaq. Yaponiyanın “Takasaki”, Çexiyanın “Praqa” və İtaliyanın “Roma” klubları da iştirakçılar arasında yer alıb.

Filippin, Madaqaskar və Misir milliləri, o cümlədən "Praqa" klubu FIBA (Beynəlxalq Basketbol Federasiyası) tərəfindən turnirə dəvət olunub. Digər komandalar reytinqə əsasən Bakıda – "SeeBreeze"də yarışmaq hüququ əldə edib.

Azərbaycan 16 komanda arasında reytinqinə görə 10-cu sıradadır.

Qeyd edək ki, Bakı mərhələsi mayın 26-27-də keçiriləcək.