"Futbolda olduğu kimi, burada da "vurmayana vurarlar" prinsipi keçərlidir".

Prosport.Az xəbər verir ki, bunu "Sabah"ın baş məşqçisi Rimas Kurtinaytis "Neftçi"yə qarşı Azərbaycan Basketbol Liqasının final matçından sonra deyib.

Litvalı mütəxəssis həlledici seriyanın 3-cü matçında məğlub olduqları qarşılaşmanı (76:79) şərh edib: "Oyuna çox pis başladıq. Hətta xal fərqinin 20-yə kimi yüksəldiyi zaman da oldu. Buna baxmayaraq, faciə baş verməyib. Seriyada hesabda öndəyik. Final seriyasına layiq görüş oldu. Rəqibi qələbə münasibəti ilə təbrik edirəm. 1 gündən bir meydana çıxdığımıza görə əlavə məşqlərə vaxtımız olmur. Futbolda olduğu kimi, burada da "vurmayana vurarlar" prinsipi keçərlidir".

Qeyd edək ki, əvvəlki 2 görüşdə "Sabah" qalib gəlib. Növbəti matçın mayın 8-də təşkili planlaşdırılır. Seriyada rəqibini 4 dəfə məğlub edən komanda Azərbaycan Basketbol Liqasının qalibi olacaq.