Azərbaycanın MMA idmançısı Vüqar Kərəmovun növbəti döyüşünün vaxtı bəlli olub.

Prosport.Az-ın xəbərinə görə, 33 yaşlı idmançımız iyunun 14-də "Rizin" turnirinin "Landmark 11" adlı döyüş gecəsində mübarizə aparacaq.

Yaponiyanın Sapporo şəhərində keçiriləcək turnirdə Vüqarın rəqibi yerli idmançı Şuya Kimura olacaq.

Qeyd edək ki, Vüqar Kərəmov indiyədək 20 döyüşdə qalib gəlib, 6-da uduzub. O sonuncu dəfə "Rizin 49" turnirində braziliyalı Robertu de Souzaya kəmər döyüşündə yenilib.

25 yaşlı Şuya Kimura isə indiyədək peşəkar MMA-də cəmi 5 döyüş keçirib və hələ ki məğlubedilməzdir.