Azərbaycanlı kikboksçu Akif Quluzadə “ONE Championship”də növbəti döyüşünü keçirib.

Prosport.Az xəbər verir ki, təmsilçimiz təşkilatın döyüş seriyası olan “ONE Fight Nights” turnirində çıxış edib.

Tailandın paytaxtı Banqkokda baş tutan qarşılaşmada Quluzadə flayveyt kateqoriyasında ABŞ idmançısı Şon Klimako ilə qarşılaşıb. 19 yaşlı idmançımız bu döyüşdə qələbə qazanıb.

Qeyd edək ki, Akif Quluzadə "ONE Championship"in həftəlik döyüş seriyası olan “ONE Friday Fights”də 4-cü qalibiyyətini rəsmiləşdirib. O, peşəkar rekordunu 19-2-yə (19 qələbə, 2 məğlubiyyət) çatdırıb.