"Qarabağ"ın 14 yaşadək komandası (U-14) Niderlandın Epe şəhərində "Epe" klubu tərəfindən keçirilən "U14 Youth Easter Cup"da mübarizə aparıb.

Prosport.Az xəbər verir ki, Samir Musayevin baş məşqçisi olduğu komanda qrupda "Volfsburq"a (Almaniya) 0:2, "AZ Alkmar"a (Niderland) 0:4 və "Xenk"ə (Belçika) 1:4 uduzub, "Aston Vila" (İngiltərə) ilə 2:2 oynayıb, "Qo Ehed İqlz"a (Niderland) 3:0 qalib gəlib.

4 xal qazanan komandamız qrupu 5-ci yerdə tamamlayıb. 9-12-ci yerlər uğrunda keçirilən qarşılaşmada "Qarabağ" "Hamburq"la (Almaniya) əsas vaxtda 3:3 oynayıb. Penaltilərdə isə "köhlən atlar" 4:3 qalib gəlib.

9-cu yer uğrunda isə "Qarabağ" yenidən "Qo Ehed İqlz" ilə qarşılaşıb. Komandamız bu dəfə də Niderland təmsilçisinə qalib gələrək 9-cu oldu.

Turnirin qalibi finalda Danimarkanın "Norşelan" komandasını məğlub edən Niderland "Utrext"i olub. 3-cü yeri isə penaltilərlə "Volfsburq"a qalib gələn Belçikanın "Xenk" komandası tutub.