"Şəki" klubu 2024/25 mövsümü üçün Azərbaycan Basketbol Liqasında (ABL) 3-cü yeri tutub.

Prosport.Az xəbər verir ki, ABL-in mövsümün öncəsi tərtib olunan reqlamentinin 10.4-cü maddəsinə (Mövsümün yekununda Liqada yerlərin bölüşdürülməsi) əsasən, yarımfinalda oynayan komandalardan müntəzəm birinciliyi daha çox xalla bitirmiş komanda 3-cü yerin sahibi sayılır.

Yarımfinalçı "Şəki" isə B qrupunu 36 xalla 1-ci, digər yarımfinalçı "Abşeron" isə A qrupunu 28 xalla 4-cü bitirib. Bu səbəbdən "Şəki" 3-cü, "Abşeron" isə 4-cü yerin sahibi hesab olunub.  

Qeyd edək ki, ötən mövsümlərdən fərqli olaraq, bu mövsüm 3-cü yerin sahibi oyunla müəyyənləşdirilmir.