"Biz hansı tolerantlıqdan danışa bilərik? Hansı imkanlardan və ya neytrallıqdan danışırıq?"

Prosport.Az-ın xəbərinə görə, bunu qadın güləşi üzrə yığmamızın sabiq üzvü Tatyana Omelçenko deyib.

Ukrayna əsilli güləşçi Rusiya və Belarus güləşçilərinin neytral statusda beynəlxalq yarışlara buraxılmasına kəskin reaksiya verib: 

"İdman siyasətdən ayrıdır" deyirlər, bəs onda bayraq nəyə görə qaldırılır? Ölkələr idman arenalarında öz reputasiyaları üçün mübarizə aparmırlarmı?

Rusiya və Belarusun hətta bu məsələdə bütün təzminatlar ödənilədək kəkələməyə belə hüququ yoxdur və onlar sanksiya altında qalmalıdırlar!

Biz millətin rəngini, ən yaxşı oğul və qızlarımızı itiririk və onlar bu insanlara yarışmağa icazə verirlər..."

Qeyd edək ki, dünən Ümumdünya Güləş Birliyi (UWW) Rusiya və Belarus idmançılarının neytral statusda beynəlxalq yarışlarda iştirak etməsinə icazə verilməsi barədə qərar çıxarıb.