Azərbaycan Basketbol Liqasında yarımfinala vəsiqə qazanan sonuncu komanda bəlli olub.

Prosport.Az xəbər verir ki, pley-off mərhələsinin 3-cü oyununda "Abşeron" və "Naxçıvan" münasibətlərə aydınlıq gətirib.

Bakı İdman Sarayında reallaşan görüşdə 78:73 hesabı ilə qalib gələn "Abşeron" yarımfinala adlayıb. Ötən mövsümün finalçısı "Naxçıvan" isə 1/4 finalda mübarizəni dayandırıb.

Bunadək tərəflər bu raundda hərəyə 1 qalibiyyət əldə etmişdi.

Qeyd edək ki, Ərhan Tokərin rəhbərlik etdiyi kollektiv növbəti mərhələdə "Neftçi" ilə üz-üzə gələcək. Digər yarımfinal cütündə isə "Sabah" və "Şəki" komandaları qarşılaşacaq.