“Şəki”nin pəri nağılı davam edir. Uşaqlar hər şeyi haqq edir. Komandamla qürur duyuram".

Prosport.Az xəbər verir ki, bu sözləri "Şəki"nin baş məşqçisi Bedri Meriç Azərbaycan Basketbol Liqasının pley-off mərhələsinin 3-cü oyununda "Gəncə"yə 85:83 hesabı ilə qalib gəldikləri oyundan sonra deyib.

Türkiyəli mütəxəssis rəqibi gözəl oyuna görə təbrik edib: "Onlarla 7 matç keçirib, 4-də qalib gəldik. Bu matçda texniki cəhətdən zəif oynaya bilərik. Amma meydanda heç vaxt qələbədən vaz keçməyən komandamız vardı. Biz komandanı bu fəlsəfə ilə qurduqı. “Şəki” öncə növbəti mövsüm A qrupunda oynamaq hüququ əldə etdi".

O, yarımfinalda növbəti rəqibləri olan “Sabah”la oyuna da toxunub: "Sabah" Çempionlar Liqası üçün qurulmuş heyətə malikdir. Orada mübarizəni dayandırdıqdan sonra bu mövsüm Avropa Kubokunda oynamış komandadır. Səviyyə fərqi eyni olmasa da, eyni cür mübarizəyə davam edəcəyik. Bəlkə bir sürpriz edə bilərik. Hamıya zövqlü bir matç izlətdirmək istəyirik. Oyunçularım hörməti haqq edir. Hər şey onların əsəridir”.