"Gəncə"Azərbaycan Basketbol Liqasının pley-off mərhələsinin 2-ci oyununda "Şəki"yə 94:71 hesabı ilə qalib gəlib.

Prosport.Az xəbər verir ki, hər iki komandanın baş məşqçisi matçla bağlı fikirlərini bölüşüb.

Halil Atlı ("Gəncə"): "Komandamı göstərdiyi mübarizəyə görə təbrik edirəm. Kollektiv olaraq basketbolçularımızın hər birinin fikri qələbə qazanmaq idi. Yaxşı oynadıq. İlk matçda da yaxşı çıxış etmişdik. Qələbəyə layiq idik. Bir-iki sadə səhv bizi istəyimizdən etmişdi. Diqqətimiz üçüncü oyuna yönəlib".

Bedri Meriç ("Şəki"): "Gəncə”ni qələbə münasibətilə təbrik edirəm. Evdə oynamağın üstünlüyündən yaxşı yararlandılar. Bu gün istədiyimiz müdafiəni qura bilmədik. Oyunçularımız yorğun idi, ehtiyat heyətimiz də kasaddır. Əsas oyunçularımız isə istədiyimiz performansı nümayiş etdirə bilmədi. Üstəlik, “Gəncə” 60-70% 3 xallıq atışlardan istifadə etdi. Biz son vaxtlar 3 xallıq atışlarda problem yaşayırıq. Bunu son oyunda düzəltməyə çalışacağıq. Oxuduğum bir romanda deyildiyi kimi, nərdivanla çıxdıq, bura qədər gəlmişiksə, bir mərhələ də adlaya bilərik. O bir addımı atmaq üçün də əlimizdən gələni edəcəyik”