"Sabah" Azərbaycan Basketbol Liqasının pley-off mərhələsinin ilk oyununda "Sərhədçi"yə 90:64 hesabı ilə qalib gəlib.

Prosport.Az xəbər verir ki, hər iki komandanın baş məşqçisi qarşılaşma ilə bağlı fikirlərini bölüşüb.

Rimas Kurtinaytis ("Sabah"): "Hər iki tərəf oyuna tam hazır deyildi. Rəqib son 9 gündə 4-cü oyununa çıxırdı. Bizim isə fasilədən sonra ilk oyunumuz idi. Bu səbəbdən rəqib sonuncu periodda problem yaşadı. Biz isə əksinə, oyunun əvvəlində özümüzə bənzəmirdik. Buna baxmayaraq gedişatı dəyişməyi bacardıq və basketbolçularımız yenidən oyun ritminə qayıtdı".

Evren Alkaya ("Sərhədçi"): “Komandamız yorğun idi. Ancaq 3 periodda rəqibə qalib gələ bildik. Son 8 gündə 3 oyun oynamaq komandamıza təsir etdi. Antonio Uilyamsın da ailəvi səbəblərdən komandadan ayrılması bizi 50% geri atdı. “Sabah” kimi komanda ilə 3 periodda üstün olmaq böyük şeydir. Üstünlüyümüz var idi, bunu 4-cü periodda qoruya bilmədik. Oyunçular çox yoruldu, atışlarımız heç səbətə düşmədi. Mövsümün əvvəlindən bəri heç 4-cü perioddakı kimi oyunumuz olmadı. Əgər 50 faiz gücümüzü ortaya qoya bilsəydik, oyunu qazanardıq. Amma dediyim kimi, yorğunluğun verdiyi səbəblərdən dolayı matçı uduzduq. Hələ hər şey bitməyib. İkinci matç var. “Sabah”a qalib gəlməyə çalışacağıq”.