"Əslində "Sərhədçi"yə uduzduğumuz oyunda da yaxşı oynamışdıq. 2-ci matçda isə ümumiyyətlə mükəmməl idik".

Prosport.Az xəbər verir ki, bu sözləri "Sumqayıt" klubuunun basketbolçusu Zayon Yanq "Sərhədçi" ilə seriyanın 3-cü görüşündən əvvəl deyib.

O bildirib ki, kollektiv olaraq var güclərini ortaya qoyublar: "Həm hücum, həm də müdafiəmizə söz ola bilməzdi. Fikrimcə, seriyanın həlledici görüşündə qalib gələn tərəf "Sumqayıt" olacaq. Çərşənbə günü azarkeşlərin dəstəyinə ehtiyacımız var. Onların hamısını arenaya səsləyirəm. Hətta Bakıdan olan fanatlarımız da Sumqayıta gəlsin".