Bu gün Azərbaycan Basketbol Liqasının pley-in mərhələsi çərçivəsində keçirilən son 2 matçda pley-offa çıxanlar müəyyənləşməyib.

Prosport.Az xəbər verir ki, NTD "Abşeron"a 67:63 qalib gəlib. İlk matçda "Abşeron" 88:74 qalib gəldiyindən, tərəflər aprelin 16-da həlledici görüşdə münasibətlərə aydınlıq gətirəcək.

Bakıda keçirilən "Sərhədçi" və "Sumqayıt" kollektivlərinin görüşündə isə qonaqlar 100:95 hesablı qələbə qazanıb. İlk qarşılaşmada "Sərhədçi" Sumqayıtda qalib gəldiyi (123:97) üçün pley-offa vəsiqə qazanacaq tərəfin adına aprelin 16-dakı 3-cü matçda aydınlıq gələcək.

Qeyd edək ki, daha əvvəl "Gəncə" "Lənkəran"ı (96:92, 100:74), "Ordu" isə "Quba"nı (88:74, 92:88) məğlub edərək pley-offa yüksəlib. "Gəncə" "Şəki"nin, "Ordu" isə "Neftçi"nin rəqibi olub.